कल्याणमध्ये माणुसकीला काळिमा फासणारी घटना घडली आहे. दोन नराधमांनी अल्पवयीन मुलीवर अत्याचार केला असून तिची निर्घृण हत्या केली आहे.
कल्याणच्या बापगाव परिसरात ही धक्कादायक घटना घडली असून ही चिमुकली दुकानातून खाऊ आणण्यासाठी पैसे घेऊन बाहेर गेली होती, परंतु ती घरी परत आलीच नाही. आठ ते नऊ तासांनी तिच्या कुटुंबाने कोळशेवाडी पोलीस ठाण्यात तक्रार दाखल केली.
त्यानंतर पोलिसांना बापगाव परिसरात या चिमुकलीचा मृतदेह सापडला. याच प्रकरणी आता आरोपी विशाल गवळीला 2 जानेवारीपर्यंत पोलीस कोठडी सुनावण्यात आली असून त्यासोबतच पत्नी साक्षी गवळीला ही 2 जानेवारीपर्यंत पोलीस कोठडी सुनावण्यात आली आहे.