अभिनेता अक्षय कुमार याचा 'केसरी चॅप्टर 2' हा चित्रपट शुक्रवारी प्रदर्शित झाला. चित्रपटात अभिनेता आर. माधवन आणि अभिनेत्री अनन्या पांडे यांच्या प्रमुख भूमिका आहेत. 'केसरी' या चित्रपटाचा हा दुसरा भाग आहे. पहिल्याच दिवशी तब्बल 1000 स्क्रीन्सवर हा चित्रपट दाखवण्यात आला असून चित्रपटाला प्रेक्षकांचा चांगला प्रतिसाद मिळत आहे. या वर्षाचा यापूर्वी 14 फेब्रुवारी रोजी प्रदर्शित झालेला 'छावा' चित्रपट दिर्घकाळ चालणारा चित्रपट ठरला आहे. 'केसरी 2' 'छावा' चित्रपटाला मागे टाकेल का, हे पाहण औस्तुक्याचं ठरणार आहे.

'केसरी चॅप्टर 2' ने बॉक्स ऑफिसवर 7.85 कोटींची कमाई केली आहे, जी चित्रपटाच्या शैलीचा विचार करता एक चांगली सुरुवात आहे. अक्षय कुमारने सी. शंकरन नायर आणि आर. माधवनने नेव्हिल मॅककिन्लेची भूमिका साकारली आहे. हा चित्रपट ब्रिटिश सरकारविरुद्ध लढलेल्या सर्वात प्रदीर्घ कायदेशीर लढाईंपैकी एक आहे. बॉक्स ऑफिसवर आलेला शेवटचा कोर्टरूम ड्रामा हा नानी निर्मित तेलुगू चित्रपट होता. 'कोर्ट : स्टेट व्हीएस ए नोबडी' ने बॉक्स ऑफिसवर 4 कोटींची कमाई केली आणि अक्षय कुमारच्या चित्रपटाने या ओपनिंगला मागे टाकले आहे. त्याच्या कोर्टरूम ड्रामाने 96% जास्त कमाई केली आहे!