भाजपचे वरिष्ठ नेते किरीट सोमय्या यांचा खळबळजनक व्हिडीओ लोकशाहीच्या हाती लागला आहे. या व्हिडीओत आक्षेपार्ह स्थितीत सोमय्या दिसत आहेत. हा व्हिडीओ व्हायरल झाल्यामुळे राजकीय वर्तुळात मोठी खळबळ उडाली आहे. किरीट सोमय्या यांच्यासारख्या मोठ्या व्यक्तीचे खासगी व्हिडीओ व्हायरल होत असतील तर सामान्य जनतेचे काय? असा प्रश्न उपस्थित केला जात आहे. पण अश्या स्कॅन्डलमध्ये अडकलेले किरीट सोमय्य हे पहिले नेते नाहीत. या आधीही अशा अनेक दिग्गजांचे क्लिप्स व्हायरल झाले आहेत.

काँग्रेस नेते दिग्विजय सिंह

सन 2014 मध्ये दिग्विजय सिंह यांचे काही आक्षेपार्ह फोटो लीक झाले होते. एका पत्रकार महिलेसोबत त्यांचे फोटो व्हायरल झाले. पण व्हिडीओ व्हायरल झाल्यानंतर दिग्विजय सिंह यांनी प्रेमाची कबुली दिली आणि एका वर्षानंतर त्या दोघांनी लग्न केलं.

काँग्रेसचे दिग्गज नेते अभिषेक मनू सिंघवी

2012 मध्ये अभिषेक मनू सिंघवी यांचा एक सेक्स व्हिडीओ व्हायरल झाला. सुप्रीम कोर्टच्या कॅम्पसमधील त्यांच्या ऑफिसमध्ये एका महिला वकिलासोबतचा हा सेक्स व्हिडीओ व्हायरल झाला होता.

एनडी तिवारी

2009 साली एनडी तिवारींचा एक आक्षेपार्ह व्हिडीओ समोर आला. तीन महिलांसोबतचा त्यांचा हा व्हिडीओ होता. एका तेलगु चॅनेलने हा व्हिडीओ समोर आणला होता. याच व्हिडीओमुळे एनडी तिवारींना राज्यपालपदाचा राजीनामा द्यावा लागला.

गुजरात काँग्रेसचे नेते भरत सोळंकी

भरतसिंह सोळंकी हे गुजरातचे काँग्रेसचे माजी अध्यक्ष आणि माजी केंद्रीय मंत्री होते. एका महिलेसोबतचा त्यांचा प्रायव्हेट व्हिडीओ व्हायरल झाला होता. हा व्हिडीओ त्यांच्याच पत्नीने रेकॉर्ड केल्याचं बोललं जातं.

कर्नाटकचे माजी मंत्री आणि भाजप नेते रमेश जारकीहोळी

रमेश जारकीहोळी हे कर्नाटकमधले भाजपचे आमदार आहेत. 2 मार्च 2019 रोजी त्यांचा आक्षेपार्ह व्हिडीओ व्हायरल झाला. नोकरी देण्याच्या बदल्यात त्या महिलेसोबत संबंध ठेवल्याचा आरोप त्यांच्यावर होता. याप्रकरणानंतर जारकीहोळी यांना आपल्या मंत्रीपदाचा राजीनामा द्यावा लागला.