आयपीएलच्या (IPL 2025) राजस्थान रॉयल्स (RR) विरूद्ध कोलकाता नाईट रायडर्सच्या (KKR) सामन्यात शेवटपर्यंत थरार कायम असल्याचे पाहायला मिळाले. एक बॉल 3 धावा अशी स्थिती असताना राजस्थानच्या खेळाडूला रनआऊट करून कोलकाताने हा सामना जिंकला. अवघ्या एका रनने कोलकाताने हा सामना जिंकत आपली जागा सहाव्या क्रमांकावर आणली. आज, रविवारी झालेल्या सामन्यात कोलकात्याने प्रथम फलंदाजी करत राजस्थानसमोर 206 धावांचे आव्हान दिले. तर दुसऱ्या इनिंगमध्ये राजस्थानने अटीतटीच्या सामन्यात 8 गडी गमावून 205 धावा पूर्ण केल्या. अवघ्या एक रनने सामना गमावल्यामुळे राजस्थानच्या चाहत्यांची घोर निराशा झाली. तर कोलकाता चाहत्यांनी अखेरच्या बॉलवर घेतलेल्या विकेटमुळे सुटकेचा निःश्वास सोडला.