विधानपरिषदेच्या 11 जागांसाठी आज मतदान पार पडणार आहे. सकाळी 9 ते दुपारी 4 या वेळेत या निवडणुकीसाठी मतदान होणार असून संध्याकाळी 5 वाजल्यानंतर मतमोजणी होणार आहे. विधानपरिषदेच्या 11 जागांसाठी तब्बल 12 उमेदवार रिंगणात उतरले आहेत.

विधान परिषदेत महायुती की महाविकास आघाडी कोणाला पराभव स्विकारावा लागणार याकडे सर्वांचे लक्ष लागले आहे. क्रॉस व्होटिंग टाळण्यासाठी सर्वच राजकीय पक्षांकडून विशेष खबरदारी घेण्यात आल्याची माहिती मिळत आहे. हरणारा 12वा उमेदवार कोण असणार? हे पाहणं महत्वाचे ठरणार आहे.

याच पार्श्वभूमीवर बाळासाहेब थोरात माध्यमांशी बोलताना म्हणाले की, काँग्रेसची मतं ठाम आहेत. पक्की आहेत. काही अफवा उठवल्या जातात त्यात काही तथ्य नाही. आमचे मतदान व्यवस्थित पद्धतीने होणार आहे. महाविकास आघाडीचे तिन्ही उमेदवार विजयी होणार आहेत. कोणतीच काळजी करण्याचे कारण नाही.