शिवसेनेत झालेल्या बंडखोरीपासून शिंदे गट आणि ठाकरे गट असे दोन पडले. या गटातील वाद दिवसांदिवस वाढतच चालला आहे. खरी शिवसेना नक्की कोणाची हा वाद सुरु असताना आता राजकीय वर्तुळातून मोठी बातमी समोर आली आहे. शिंदे गटाकडून मुंबई महानपालिकेतील शिवसेना कार्यालयावर कब्जा केला आहे. त्यामुळे मोठा वाद निर्माण होण्याची शक्यता निर्माण झाली आहे. याच विषयावरून आता भाजप आमदार राम कदम यांनी शिवसेना (ठाकरे गटावर) टीका केली आहे.

काय म्हणाले राम कदम?

शिंदे गटाकडून मुंबई महानपालिकेतील शिवसेना कार्यालयावर कब्जा केला आहे. त्यानंतर अनेक नेत्यांची प्रतिक्रिया येत असताना आता भाजप आमदार राम कदम यांनी ठाकरे गटावर टीका केली आहे. शिल्लक सेने कडून आज मुंबई महानगर पालिकेतील कार्यालय गेले ही सुरुवात आहे.. हा ईश्वारीय दंड आहे .. स्वर्गीय बाळासाहेबाच्या आजीवन शत्रूना गळाभेट करणाऱ्याना. बाळासाहेबांनी आजन्म ज्याच्याशी सहर्ष केला.. कधीही हात मिळवणी केली नाही.. दुर्दैवाने त्यांचाच नातू आणी मुलगा त्यांच्या दुश्मनाच्या दावणीला गेला.. मुंबई महापालिका भाजपा आणी खरी शिवसेना यांचीच... अर्थातच शिंदेजी - फडणवीसजी.. असे ट्विट त्यांनी केले आहे.