cabinet expansion : पुणे दौऱ्यावर असलेल्या मुख्यमंत्री एकनाथ शिंदे यांनी पीक कर्ज, धरणातील पाणी, कोरोना प्रादुर्भावाची सद्यस्थिती आणि बूस्टर डोस याबाबत आढावा घेतला. या आढावा बैठकीनंतर मुख्यमंत्री शिंदे यांनी पत्रकार परिषद घेत विरोधी पक्षांकडून उपस्थित करण्यात येत असलेल्या विविध प्रश्नांना उत्तरे दिली. तसंच मंत्रिमंडळाचा विस्तारही लवकरच होणार असल्याचं म्हटलं आहे. (cabinet expansion Eknath Shinde Devendra Fadnavis)

राज्य मंत्रिमंडळाचा विस्तार 5 ऑगस्टला होणार असल्याची माहिती सूत्रांनी दिली आहे. तर 12 संभाव्य मंत्र्यांची यादीही समोर आली आहे. त्यात भाजपकडून 7 आणि शिंदे गटातील 5 नावांचा समावेश आहे. त्यात भाजप प्रदेशाध्यक्ष चंद्रकांत पाटील, सुधीर मुनगंटीवार यांच्या नावाचा समावेश आहे. तर शिंदे गटाकडून गुलाबराव पाटील, दादा भुसेंचाही समावेश करण्यात आल्याची माहिती समोर आली आहे.

शिंदे गटात कुणाला संधी ?

दादा भुसे

अब्दुल सत्तार

गुलाबराव पाटील

उदय सामंत

शंभुराज देसाई

भाजपकडून कुणाला संधी ?

आशिष शेलार

चंद्रकांत पाटील

गिरीश महाजन

चंद्रशेखर बावनकुळे

राधाकृष्ण विखे पाटील

प्रवीण दरेकर

सुधीर मुनगंटीवार