अहमदनगरमध्ये पाटेगाव खंडाळा एमआयडीसी व्हावी ही राष्ट्रवादी काँग्रेसचे आमदार रोहित पवार यांची मागणी आहे. यासाठी त्यांनी पंतप्रधान नरेंद्र मोदी यांना पत्र लिहिले. यावरुन राजकीय वर्तुळातून अनेक प्रतिक्रिया येत आहेत.

याच पार्श्वभूमीवर आता भाजप आमदार राम शिंदे यांनी रोहित पवारांवर जोरदार निशाणा साधला आहे. राम शिंदे म्हणाले की, रोहित पवारांनी ही नौटंकी बंद केली पाहिजे. उद्या तुम्ही एमआयडीसीसाठी जो बायडन यांना पत्र लिहाल. त्यामुळे एवढ्या लांबपर्यंत पत्र पाठवण्यापेक्षा घरातल्या घरी अजित दादांच्या उशाला पत्र ठेवलं असतं तर अजित दादांनी वाचलं असतं. पंतप्रधानांना तुम्ही पत्र पाठवले, मात्र तुम्ही यापूर्वी गावोगावी काही पत्र पेट्या लावल्या होत्या, त्यात आलेल्या पत्रापैकी किती प्रश्न सोडवले.

तसेच पुणे येथील कार्यक्रमात एमआयडीसीसाठी फलक झळकवण्यापेक्षा राष्ट्रवादीचे अध्यक्ष शरद पवार हे त्याच कार्यक्रमात होते, पंतप्रधान नरेंद्र मोदी यांच्या शेजारी ते बसले होते. मग त्यांच्या हातात एखादं निवेदन किंवा पत्र का दिले नाही? असा सवाल राम शिंदे यांनी विचारला आहे.