चार राज्यांच्या विधानसभा निवडणुकीचा निकाल आज जाहीर होणार आहे. मतमोजणीच्या प्रक्रियेला सुरूवात झाली आहे. त्यामुळे मध्यप्रदेश, तेलंगणा, छत्तीसगड आणि राजस्थान या राज्याच्या निकालाकडे देशाचे लक्ष लागले आहे. याच पार्श्वभूमीवर राजकीय वर्तुळातून अनेक प्रतिक्रिया येत आहेत.

याच पार्श्वभूमीवर संजय राऊत यांनी प्रतिक्रिया दिली आहे. संजय राऊत म्हणाले की, छत्तीसगडमध्ये काँग्रेसचं येणार. तेलंगणाचे मुख्यमंत्री देखील मागे आहेत. पण मला वाटत नाही ते हरतील. दोन तासात सर्व चित्र स्पष्ट होईल. तेलंगणामध्ये राहुल गांधी यांनी आपली जादू दाखवली. राजस्थान मध्यप्रेदशमध्ये देखिल हेच होईल.

तसेच ते म्हणाले की, अजूनही निकाल स्पष्ट नाही आहेत. तेलंगणामध्ये काँग्रेस पक्षाचा विजय होईल. छत्तीसगडमध्ये काँग्रेसचं राज्य येईल. मध्यप्रेदश आणि राजस्थानमध्ये भाजपाचा पराभव होईल. याची मला खात्री आहे. असे संजय राऊत म्हणाले.