एकनाथ शिंदे (Eknath Shinde) यांच्यासह शिवसेनेचे अनेक आमदार गुवाहाटीत आहेत. त्यांच्यांसह 40 आमदारांनी बंड पुकारलेल्यामुळे शिवसैनिक आक्रमक झाले आहेत. या पार्श्वभूमीवर काल अनेक शिवसैनिकांनी बंडखोर आमदारांच्या घराबाहेर तसंच कार्यालयात हल्ले केले. यामुळे या आमदारांना केंद्राची सुरक्षा देण्याचा निर्णय घेण्यात आला आहे.
महाराष्ट्रात सध्या सुरू असलेल्या राजकीय संकटाच्या पार्श्वभूमीवर केंद्र सरकारने शिवसेनेच्या सर्व बंडखोर आमदारांच्या कुटुंबीयांना CRPF सुरक्षा देण्याची घोषणा केली आहे. आता कुटुंबांच्या सुरक्षेसाठी सीआरपीएफ जवान तैनात करण्यात येणार आहेत. सायंकाळपर्यंत १५ बंडखोर आमदारांच्या घराबाहेर सीआरपीएफचे जवान तैनात करण्यात येणार आहेत. यापूर्वी बंडखोरांनी आरोप केला होता की, त्यांच्या 38 आमदारांच्या कुटुंबीयांची सुरक्षा काढून घेण्यात आली आहे. शिंदे गटातील 15 आमदारांनी सुरक्षेच्या कारणास्तव केंद्रीय गृह सचिव आणि राज्यपाल यांना पत्र लिहिलं होतं. त्यानंतर हा निर्णय घेण्यात आला आहे.
संजय राऊत यांच्यांकडून सातत्याने शिवसैनिकांना चिथवणारे वक्तव्य केले जात आहे. यामुळे गेल्या दोन दिवसांपासून शिंदे गटातील आमदारांच्या कार्यालयांवर हल्ले वाढले आहे. दिल्लीतून कितीही औरंगजेब येऊ द्या, त्यांचं थडगं ह्या महाराष्ट्रात बांधलं जाईल. अशी बोचरी टीका त्यांनी यावेळी भाजपवर केली आहे. तुमच्या ईडीला, सीबीआयला आम्ही घाबरत नाही.
या आमदारांच्या निवासस्थानी CRPF तैनात असेल
रमेश बोरनारे Ramesh Bornare
मंगेश कुडाळकर Mangesh Kudalkar
संजय शिरसाट Sanjay Shirsat
लता सोनावणे Latabai Sonawane
प्रकाश सुर्वे Prakash Surve
सदा सरवणकर Sadanand Saranavnkar
योगेश कदम Yogesh Kadam
प्रताप सरनाईक Pratap Sarnaik
यामिनी जाधव Yamini Jadhav
प्रदीप जायस्वाल Pradeep Jaiswal
संजय राठोड Sanjay Rathod
दादाजी भुसे Dadaji Bhuse
दिलीप लांडे Dilip Lande
बालाजी कल्याणकर Balaji Kalyanar
संदिपान भुमरे Sandipan Bhumare