महाराष्ट्र शालेय शिक्षण विभागाने 2025-26 या शैक्षणिक वर्षासाठी शासकीय शाळांसाठीचा सुधारित दिनदर्शिका Calendar आराखडा प्रसिद्ध केला आहे. यानुसार, नवीन वर्षात शाळांना एकूण 129 सुट्ट्या मिळणार असून, 236 दिवस अध्यापनासाठी राखीव ठेवण्यात आले आहेत. राज्यातील बहुतांश शाळा 16 जूनपासून पुन्हा सुरू होतील, तर विदर्भातील शाळांमध्ये 23 जूनपासून वर्ग सुरू होतील. या निर्णयासाठी शिक्षक संघटनांसोबत सविस्तर चर्चा करण्यात आली असून, सर्वपक्षीय सहमतीनंतरच दिनदर्शिका Calendar निश्चित करण्यात आली आहे.

यंदाच्या सुट्यांमध्ये एक दिवस वाढ झाल्याचे कारण म्हणजे या वर्षात 53 रविवार येत आहेत, जे सर्वच कार्यबाह्य दिवस म्हणून गणले जातील. यासोबतच इतर सार्वजनिक सुट्ट्या आणि नियोजित विश्रांतीच्या दिवसांचा समावेश होऊन 129 सुट्ट्यांची गणना झाली आहे. पूर्वी शैक्षणिक वर्ष एप्रिलपासून सुरू करण्याच्या प्रस्तावावर चर्चा झाली होती. SCF-SE (राज्य शालेय शिक्षण अभ्यास आराखडा) यानुसार CBSE प्रमाणे एप्रिल–मार्च पद्धतीची अंमलबजावणी सुचवण्यात आली होती. परंतु, शिक्षण आयुक्त सचिंद्र प्रताप सिंग यांनी फेब्रुवारी February महिन्यात स्पष्ट केले की शाळा नेहमीप्रमाणे 16 जूनपासूनच सुरू होतील.

शिक्षणमंत्री Education Minister पंकज भोयर Pankaj Bhoir यांनी देखील एप्रिलपासून सुरुवात करण्याच्या पर्यायावर विचार सुरू असल्याचे संकेत दिले होते, परंतु शिक्षक संघटनांनी या बदलाला तीव्र विरोध केला होता. त्यामुळे शैक्षणिक वर्षाची परंपरागत रचना कायम ठेवण्याचा निर्णय घेण्यात आला आहे.