मुंबईतील घाटकोपर (पूर्व) येथील छेडा नगर जंक्शन परिसरात, 3000 मिलीमीटर व्यासाच्या मुख्य जलवाहिनीला 2500 मिलीमीटर जलवाहिनी जोडण्याचे काम सुरू करण्यात आले आहे. या कामामुळे 1 डिसेंबर 2025 सकाळी 10 वाजेपासून ते 2 डिसेंबर 27025 दुपारी 4 वाजेपर्यंत मुंबईतील 11 विभागांमध्ये पाणीपुरवठा कमी दाबाने होणार आहे, तर काही भागांमध्ये पाणीपुरवठा पूर्णपणे थांबेल.

पाणीपुरवठ्यावर होणारे परिणाम:

या जलवाहिनी जोडणीसाठी ३० तासांची कार्यवाही होणार असून, या कालावधीत मुंबईच्या ए, बी, सी, ई, एफ दक्षिण, एफ उत्तर विभाग तसेच पूर्व उपनगरातील एम पूर्व, एम पश्चिम, एल, एस आणि एन विभागांमध्ये पाणीपुरवठा प्रभावित होईल. काही भागांमध्ये पाणी कमी दाबाने येईल, तर इतर भागांमध्ये पाणी पूर्णपणे बंद राहील.

पाणी वापरण्याबाबत सूचना:

पालिकेने या कामाच्या पार्श्वभूमीवर 14 प्रशासनिक विभागांमध्ये पाणीपुरवठ्यात 15 टक्क्यांनी कपात करण्याचा निर्णय घेतला आहे. त्यामुळे नागरिकांना जपून पाणी वापरावे लागणार आहे. पालिका प्रशासनाने नागरिकांना सूचित केले आहे की, या कालावधीत पाणी साठवून ठेवावे आणि पाणी वापरात काटकसरीने सहकार्य करावे.