मनोज जरांगे यांची आज बीड मध्ये निर्णायक इशारा सभा पार पडली आहे. या सभेत बोलताना जरांगे पाटलांनी येवल्याचा येडपट म्हणत छगन भुजबळांवर खालच्या शब्दात टीका केली आहे.
ते म्हणाले की, येवल्याचं येडपट माझी शाळा काढतंय, भुजबळ आता मला साहेब म्हणू लागले. आधीच नीट वागला असता तर बरं झाले असते. महाजन म्हणाले की, आम्ही भुजबळांना समज दिली. याला मंत्री कुणी केलं.आरक्षण मिळूदे तुला कचका दाखवतो. आम्ही गप बसलो की तो काड्या करतो. एकदा आरक्षण मिळालं की नंतर काय ते दाखवतो असा इशारा जरांगे पाटलांनी भुजबळ यांना दिला आहे.
हा मराठ्यांच्या एकजुटीचा महाप्रलय. मी मराठ्यांच्या चरणी नतमस्तक करतो. मराठ्यांना आता त्याचा लेकरांचे आरक्षण हवं आहे. मराठे कसे आरक्षण आणतात तुम्ही बघाच. मुंगीलाही शिरता येणार नाही अशी मराठा समाजाची एकजूट. सभेत जागा सोडेल तो मराठा नाही. असं ते म्हणाले.