बीड जिल्ह्यासह संपूर्ण राज्यात मस्साजोगचे सरपंच संतोष देशमुख यांचे हत्या प्रकरण चांगलेच तापले आहे. या प्रकरणावर राजकीय वर्तुळातून अनेक प्रतिक्रिया देखील येत आहेत. यातच संतोष देशमुखांना मारहाण करताना, त्यांची निर्घृण हत्या करतानाचे काही फोटो आणि व्हिडीओ आता समोर आले आहेत.

या फोटोत संतोष देशमुखांची हत्या कशी करण्यात आली, त्यांना कशा पद्धतीने अमानुष मारहाण करण्यात आली हे दिसून येत आहे. या सर्व फोटो, व्हिडिओमध्ये आरोपी विष्णू चाटे, सुदर्शन घुले, प्रतीक घुले, सुधीर सांगळे, महेश केदार, जयराम चाटे, कृष्णा आंधळे हे सर्वजण दिसत आहेत. अनेक ठिकाणी या प्रकरणाचे तीव्र पडसाद उमटताना पाहायला मिळत आहेत.

याच पार्श्वभूमीवर मनोज जरांगे पाटील धनंजय देशमुख यांच्या भेटीला गेले असून मनोज जरांगे यांच्या भेटीनंतर धनंजय देशमुखांना अश्रू अनावर झाले. फोटो, व्हिडिओ समोर आल्यानंतर मनोज जरांगे पाटील बीडच्या मस्साजोगमध्ये दाखल झाले आहेत.