मनोज जरांगे पाटील यांची शांतता रॅली आज अहमदनगरमध्ये आहे. अहमदनगरमध्ये मनोज जरांगे पाटील यांच्या स्वागतासाठी जय्यत तयारी करण्यात आली आहे.
मनोज जरांगे यांच्या रॅलीच्या पार्श्वभूमीवर शहरातील शाळांना सुट्टी जाहीर करण्यात आल्याची माहिती मिळत आहे. मनोज जरांगे पाटील यांना काल पुण्यातील सभा संपल्यानंतर अस्वस्थ वाटू लागल्याने त्यांना तातडीने रुग्णालयात दाखल करण्यात आले.
मनोज जरांगे पाटील यांची तब्येत बिघडल्यामुळे सध्या ते पुण्यातील सह्याद्री रुग्णालयात आहेत. त्यामुळे आता अहमदनगरच्या रॅलीकडे सर्वांचे लक्ष लागले आहे.