थोडक्यात

• जयपूरच्या SMS रुग्णालयात भीषण आग

• आयसीयूमध्ये 6 रुग्णांचा दुर्दैवी अंत

• तर, 5 जणांची प्रकृती चिंताजनक

(Jaipur SMS Hospital Fire) जयपूरच्या SMS रुग्णालयात भीषण आग लागल्याची घटना घडली आहे. यामध्ये 6 जणांचा मृत्यू झाला असून 5 जणांची प्रकृती चिंताजनक असल्याची माहिती मिळत आहे. या घटनेने रुग्णालय परिसरात एकच खळबळ उडाली.

शॉर्ट सर्किटमुळे ही आग लागल्याचा प्राथमिक अंदाज व्यक्त करण्यात येत आहे. रुग्णालयाच्या ट्रॉमा सेंटरच्या अतिदक्षता विभागात (आयसीयू) पहाटेच्या सुमारास ही भीषण आग लागली. घटनेची माहिती मिळताच रुग्णालयातील कर्मचारी आणि रुग्णांच्या नातेवाईकांनी धावपळ करत रुग्णांना वाचवण्याचे शर्थीचे प्रयत्न केले.

राजस्थानचे मुख्यमंत्री भजनलाल शर्मा यांनी तातडीने रुग्णालयाला भेट देऊन परिस्थितीचा आढावा घेतला असल्याची माहिती मिळत आहे.