भूपेश बारंगे,वर्धा

यवतमाळ जिल्ह्यातील आर्णी-केळापूर विधानसभा मतदारसंघाचे माजी आमदार राजू तोडसाम यांनी वाहनावर आमदार असल्याचे राजमुद्रा असलेले स्टिकर लावण्यात आले आहे. त्यावर महाराष्ट्र विधानसभा सदस्य, आमदार असे लिहिले स्टिकर लावून दिशाभूल करत आहे.

माजी आमदार राजू तोडसाम यांच्या स्वमालकीच्या फॉर्च्युनर महा 29 एटी 0750 क्रमांकाच्या गादीवर समोरील काचावर स्टिकर लावण्यात आले आहे. या वाहनावर आमदार असल्याचे स्टिकर लावून प्रवास करताना दिसत आहे. वर्ध्यात बी आर एस पक्षाचे पत्रकार परिषद घेण्यात आले त्यावेळी माजी आमदार राजू तोडसाम आपल्या वाहनाने वर्ध्याच्या विश्रामगृहात आले होते. त्यावेळी त्यांच्या वाहनावर चक्क आमदार असल्याचे स्टिकर लावल्याचे दिसल्याने अनेकांच्या भुवया उंचावल्या. माजी आमदारांच नियमांची पायमल्ली करत असल्याचे दिसून आले. यांच्यावर काय कारवाई होते, याकडे आता लक्ष लागले आहे.

मात्र माजी आमदारांनी ही गोष्ट फेटाळून लावली आहे.