आज गुढीपाडवा. साडेतीन मुहूर्तापैकी एक मानला जाणारा सण. याच पार्श्वभूमीवर आज शिवतीर्थावर मनसेचा गुढीपाडवा मेळावा पार पडणार आहे. गुढीपाडवा मेळावा आज संध्याकाळी सहा वाजता दादरमधील शिवतीर्थावर आयोजित करण्यात आला आहे.

आज या सभेत राज ठाकरेंची तोफ धडाडणार आहे. या सभेतून मनसे अध्यक्ष राज ठाकरे आपली भूमिका स्पष्ट करणार आहेत. या निमित्ताने मनसेकडून एक पोस्टर शेअर करण्यात आले आहे. या पोस्टरमध्ये "9 एप्रिलला शिवतीर्थावर या..! नक्की काय घडलंय? काय घडतयं? हे सांगायचं आहे..." असं या पोस्टमध्ये लिहिण्यात आले आहे.

त्यामुळे या मनसे मेळाव्यातून मनसे अध्यक्ष राज ठाकरे राज ठाकरे काय बोलणार? काय भूमिका मांडणार? याकडे सर्वांचे लक्ष लागले आहे.