राज्यातील विविध भागात मुसळधार सरी कोसळत आहे. मान्सून परतीच्या प्रवासावर आहे. मुंबई, आणि नवी मुंबई सह उपनगरात मुसळधार पाऊसने हजेरी लावली. हवामान खात्यानं उद्या मुंबई उपनगर आणि आजूबाजूच्या भागात विजांचा कडकडाटासह मुसळधार पावसाची शक्यता वर्तवण्यात आली आहे. तसेच हवामान खात्याकडून मुंबईसाठी यलो अलर्ट जाहीर करण्यात आला आहे.
पालघर, ठाणे, रायगड, मुंबई, सिंधुदुर्ग आणि रत्नागिरी या भागात यलो अलर्ट जाहीर केला आहे. मुंबईकरांना काळजी घेण्यास सांगण्यात आले आहे. तर मध्य महाराष्ट्रातील नगर, सोलापूर, नाशिक, पुणे, सातारा,सांगली, आणि कोल्हापुरात मुसळधार पाऊस कोसळत आहे.ऐन दिवाळीच्या सणासुदीच्या काळात पावसाची शक्यता हवामान खात्यानं वर्तवली आहे.