राष्ट्रवादी काँग्रेसचे अध्यक्ष शरद पवारांना जीवे मारण्याची धमकी देण्यात आली होती. सिल्व्हर ओकवर फोन करुन पवारांना धमकी देण्यात आली होती. अज्ञात व्यक्तीने पवार यांच्या सिल्वर ओक निवासस्थानी फोन करून पवार यांना मुंबईत येऊन देशी कट्ट्याने जिवे ठार मारण्याची धमकी दिली होती. 4-5 महिन्यांपासून शरद पवार यांना धमकी देत होता. पवारांच्या घरी कॉल करुन जीवे मारण्याचा धमकी नारायण सोनीकडून येत होती.

धमकी देणाऱ्या आरोपीला मुंबई पोलिसांनी अटक केली आहे. नारायण सोनी असं या आरोपीचं नाव असून, तो मूळचा बिहारचा आहे. नारायण सोनीला आज (14 डिसेंबर) कोर्टात हजर केलं जाणार आहे. याप्रकरणी पोलिसांनी IPC च्या कलम 294, 506 (2) अंतर्गत गुन्हा दाखल केला आहे.

मिळालेल्या माहितीनुसार पोलिसांनी दिलेल्या माहितीनुसार, नारायण सोनी हा मनोरुग्ण आहे. नारायण सोनी हा 10 वर्ष पुण्यात राहिला. त्याच्यासोबत त्याची पत्नीही होती. मात्र दोघांचं बिनसल्याने दोघेही वेगळे झाले. पत्नीने नारायण सोनीला सोडून दुसऱ्या व्यक्तीशी लगीनगाठ बांधली. शरद पवारांनी पती-पत्नीच्या भांडणाप्रकरणात काहीही कारवाई केली नसल्याचा राग नारायण सोनीच्या मनात होता. त्यातूनच त्याने शरद पवारांना धमकी दिल्याची माहिती आहे.