थोडक्यात
विरोधकांच्या मोर्चाला अद्यापही परवानगी मिळेना
उद्या मविआ आणि मनसेचा काढणार सत्याचा मोर्चा
मोर्चाला २४ तास उरले, अद्याप परवानगी नाहीच
मतचोरी, मतदार यादीतील गोळ, दुबार मतदार आणि निवडणुकांमधील गैरव्यवहाराच्या विरोधात विरोधक एकवटले आहेत. उद्या (दि. 01 नोव्हेंबर) महाविकास आघाडी आणि मनसे यांनी एकत्रित येत निवडणूक आयोगाच्या (Election Commission) विरोधात सत्याचा मोर्चा काढण्याचं जाहीर केलं आहे. मनसे प्रमुख राज ठाकरे (Raj Thackeray), शिवसेना ठाकरे गटाचे प्रमुख उद्धव ठाकरे (Uddhav Thackeray), राष्ट्रवादी शरदचंद्र पवार गटाचे प्रमुख शरद पवार (Sharad Pawar), काँग्रेस नेते, डाव्या पक्षांचे नेते या मोर्चाला उपस्थित राहणार आहेत. फॅशन स्ट्रिटवरून मोर्चा दुपारी 1 वाजता सुरू होईल. मेट्रो सिनेमामार्ग मुंबई महापालिकेच्या प्रवेशद्वारावर थांबेल. त्रास मुंबईकरांना होऊ नये, दुपारी 1 ते 4 या वेळेत यासाठी मोर्चा निघणार आहे. मात्र, पोलीस महाविकास आघाडी (Mahavikas Aghadi) आणि मनसेच्या उद्याच्या मोर्चाला परवानगी देणार नसल्याची माहिती समोर येत आहे.
उद्या मुंबईत महाविकास आघाडी आणि त्यांना समर्थन देणाऱ्या इतर पक्षांचा महामोर्चा निघणार आहे. सत्याचा मोर्चा या मोर्चाला असे नाव देण्यात आले आहे. या मोर्चासाठी महाविकास आघाडीने मुंबई पोलिसांकडे परवानगी पत्र पाठविले आहे. मात्र मुंबई महापालिकेचा मार्ग आणि आझाद मैदाचा परिसर येथून कुठलाही मोर्चा काढता येणार नाही. आझाद मैदानाच्या आत मोर्चा काढण्याची परवानगी आहे. आझाद मैदानाच्या बाहेर त्यामुळे नियमानुसार मोर्चा निघणार असेल तर त्याला परवानगी देता येणार नाही, पोलिसांनी अशी भूमिका घेतल्याची माहिती सूत्रांकडून मिळत आहे. त्यामुळे अद्याप या मोर्चा पोलिसांकडून परवानगी मिळालेली नाही. मोर्चाला आता पोलिसांकडून परवानगी मिळत नसल्याने विनापरवानगी महाविकास आघाडी आणि मनसेचा मोर्चा होण्याची शक्यता वर्तवली जात आहे.
विनापरवाना मोर्चा काढला तर...
त्यातच आता राज्याचे महसूल मंत्री आणि भाजप नेते चंद्रशेखर बावनकुळे यांनी महाविकास आघाडी आणि मनसेला थेट इशारा दिला आहे. मनसे व महाविकास आघाडीने उद्याला विनापरवाना मोर्चा काढला तर नियमाप्रमाणे कारवाई होईल, असे चंद्रशेखर बावनकुळे यांनी म्हटले आहे. त्यामुळे विरोधक नेमकी काय भूमिका घेणार? हे पाहणे महत्त्वाचे ठरणार आहे.