प्रसिद्ध बॉलीवूड अभिनेता शाहरुख खानचा मुलगा आर्यन खानला आज मोठा दिलासा मिळाला आहे. कॉर्डिलिया क्रुझवरील ड्रग्ज ( Drugs on Cordelia Cruise) पार्टीप्रकरणात आरोपांच्या भोवऱ्यात सापडलेला आर्यन खान (Aryan Khan) आता या प्रकरणातून मुक्त झाला आहे. नार्कोटीक्स कन्ट्रोल ब्युरो अर्थात एनसीबीकडून आर्यनला क्लीनचीट देण्यात आली आहे. एनसीबीकडून (NCB) शुक्रवारी सत्र न्यायालयात आरोपपत्र दाखल करण्यात आले. यामध्ये एनसीबीकडून आर्यनला (Aryan Khan) क्लीनचीट देण्यात आली. त्यानंतर आता यावर नवाब मलिकांच्या बाजुने देखील प्रतिक्रिया आली आहे.

आर्यन खानला क्लीन चिट मिळाल्यानंतर नवाब मलिकांच्या कार्यालयाकडून एक ट्विट करण्यात आलं आहे. या ट्विटमध्ये म्हटलं आहे की, "आता या प्रकरणात आता आर्यन खान आणि इतर 5 जणांना क्लीन चिट मिळाली आहे. NCB आता समीर वानखेडे यांच्या टीमवर आणि खाजगी सैन्यावर कारवाई करेल का? की गुन्हेगारांना संरक्षण देणार?" असे सवाल उपस्थित करण्यात आले आहेत.