महाराष्ट्राच्या राजकारणात प्रथमच शिवसेनेचे दोन दसरा दसरा मेळावे होणार आहेत. एकनाथ शिंदे यांनी पक्षातील आमदारांसह शिवसेनेतून बाहेर पडल्यानंतर भाजपसोबत सत्ता स्थापन केली. व त्यानंतर सुरू झाला तो पक्ष मिळवण्यासाठीचा संघर्ष. दोन्ही गटांकडून शिवसेना पक्ष हा आपलाच असल्याचा दावा केला जात आहे.
पंकजा मुंडे यांनी दिली शिवसेनेच्या मेळाव्यांवर प्रतिक्रिया:
पंकजा मुंडे यांना शिवसेनेच्या उद्धव गट व शिंदेगटाच्या दसरा मेळाव्याविषयी विचारणा केल्यानंतर, "दोघांनाही माझ्याकडून शुभेच्छा आहेत. दरम्यान, जनता सुज्ञ आहे. जनतेला सगळं कळतं" अशी प्रतिक्रिया पंकजा मुंडे यांनी दिली आहे.
शिवसेनेचे दोन्ही मेळावे चर्चेत:
राज्यातील राजकीय क्षेत्रांत भुकंप झाल्यानंतर शिवसेना पक्ष कोणाचा या वादानंतर दसरा मेळावा कोण घेणार यावरूनही राजकारण झालं. अखेर आज उद्धव ठाकरे व शिंदेगट हे दोन्ही पक्ष दसरा मेळावे घेत आहेत. दोन्ही गटांकडून शाब्दिक हल्ले-प्रतिहल्ले होण्याची शक्यता आहे. त्यामुळे, संपुर्ण राज्याचं या मेळाव्यांकडे लक्ष लागून आहे.