PMPML : पुणे आणि पिंपरी-चिंचवड शहराच्या सार्वजनिक वाहतुकीचा कणा असलेल्या पीएमपीएमएलमधील खासगी बसेसची संख्या सातत्याने वाढत आहे. पीएमपीच्या ताफ्यात सध्या 1650 बसेस आहेत. त्यापैकी 800 बस पीएमपीच्या मालकीच्या असून 850 बसेस भाड्याच्या आहेत. लवकरच 7 मीटर लांबीच्या 300 ई-बस पीएमपीच्या ताफ्यात दाखल होतील, त्याही खासगी असतील. याशिवाय पीएमपीकडून कॅब सेवा सुरू करण्यात येणार आहे. त्यासाठी 200 कॅब भाड्याने घेतल्या जाणार आहेत. तसेच दोन हजार कंडक्टरची कंत्राटी पद्धतीने नियुक्ती करण्यात येणार आहे. एकूणच पीएमपी खासगी कंत्राटदारांवर मेहरबानी करत आहे. (pmpml buses for contractor more buses on rent)

सध्या पीएमपीच्या ताफ्यात 5 कंत्राटदारांच्या 850 खासगी बसेस आहेत. यामध्ये इलेक्ट्रिक आणि सीएनजीवर चालणाऱ्या बसचा समावेश आहे. गेल्या काही दिवसांपासून ही संख्या मोठ्या प्रमाणात वाढली आहे. पीएमपी ठेकेदारांना निधी नसल्याचे सांगत सवलत देत आहे. त्यामुळे कर्मचाऱ्यांमध्ये असंतोष वाढत आहे.

दुसरीकडे कंत्राटावर अधिक बसेस असल्याने त्यांची मक्तेदारी निर्माण होत असून, त्यामुळे नागरिकांचे प्रचंड हाल होत आहेत. काही महिन्यांपूर्वी पगार वेळेवर मिळत नसल्याचे कारण देत खासगी कंत्राटदारांनी अचानक संप पुकारला होता. त्यामुळे प्रवाशांना मोठ्या त्रासाला सामोरे जावे लागले. पीएमपीचे अध्यक्ष आणि प्रशासकीय संचालक लक्ष्मीनारायण मिश्रा म्हणाले की, एका बसची किंमत सुमारे दोन कोटी रुपये आहे. पीएमपीकडे बस खरेदी करण्यासाठी भांडवल नाही. याशिवाय बस खरेदीचा निर्णय पुणे आणि पिंपरी-चिंचवड महापालिका घेते. पीएमपी यात हस्तक्षेप करत नाही.

कंत्राटदारांच्या खिशात उत्पन्न

पीएमपीचे रोजचे उत्पन्न सुमारे एक कोटी 40 लाख रुपये आहे. यातील खासगी बसेसच्या बदल्यात एक कोटी 15 लाख रुपये कंत्राटदारांना द्यावे लागणार आहेत. पीएमपी स्वतः तोटा सहन करून खासगी कंत्राटदारांचे खिसे भरते. पीएमपी आणि खासगी कंत्राटदार यांच्यातील करारानुसार दररोज किमान 225 किमी बस धावली पाहिजे. सीएनजीवर बस चालवल्यास पीएमपीला प्रति किमी ६८ रुपये मिळतात. ई-बस असल्यास पीएमपी प्रति किमी ३८ रुपये देते. याशिवाय बसेसच्या चार्जिंगसाठी वापरण्यात येणाऱ्या विजेचा खर्च पीएमपी उचलते. कंत्राटदारांच्या वाहनांना जास्त प्रवासी मिळतात, त्यामुळे त्या बसेस फायदेशीर मार्गावर चालवल्या जातात.