औरंगाबाद | सचिन बडे :  वर्षभरापूर्वी लग्न झालेल्या दोन महिन्यांच्या गर्भवती असलेल्या २४ वर्षीय नाव विवाहितेने गळफास घेत आत्महत्या केल्याची घटना वाळूज औद्योगिक नगरीतील बजाजनगर भागात आज पहाटे समोर आली.घटनेनंतर घाटी रुग्णालयात नातेवाईकामध्ये एवढी तुंबळ हाणामारी झाली की, परिसरात पोलिसांचा बंदोबस्त तैनात करण्यात आला आहे. जयश्री रितेश पाटील वय-24 (रा.बाजाजनगर, औरंगाबाद) असे मृत विवाहितेचे नाव आहे.

या प्रकरणी अधिक माहिती अशी की, आज पहाटे साडेपाच वाजेच्या सुमारास जयश्रीने राहत्याघारी सिलिंगफॅनला ओढणीच्या साहाय्याने गळफास घेतल्याचे समोर आले.पोलिसांनी घटनस्थळी धाव घेत जायश्रीला फसवरून खाली उतरवत रुग्णालयात हलविले मात्र तो पर्यंत तिची प्राणज्योत मालवली होती.घाटीतील वैधकीय अधिकाऱ्यांनी तिला तपासून मृत घोषित केले.जयश्री मृत झाल्याची माहिती मिळताच तिच्या नातेवाईकांनी मोठ्या संख्येने घाटी रुग्णालयातील शवविच्छेदन गृह गाठले.यावेळी नातेवाईकमध्ये तुफान हाणामारी सुरू झाली.

वाद वाढू नये आणि अनुचित प्रकार घडू नये यासाठी परिसरात पोलिस बंदोबस्त तैनात करण्यात आला आहे.जयश्रीच्या मृत्यू प्रकरणी एमआयडीसी वाळूज पोलीस ठाण्यात अकस्मात मृत्यूची नोंद करण्यात आली आहे.