लोकसभा निवडणुकीसाठी सर्वच राजकीय पक्ष तयारीला लागले आहेत. प्रचाराला देखील सुरुवात झाली आहे. याच पार्श्वभूमीवर आता राहुल गांधी पुन्हा महाराष्ट्र दौऱ्यावर येणार आहे. राहुल गांधी यांची भंडाऱ्यात तर प्रियांका गांधी यांची चंद्रपूरमध्ये प्रचार सभा पार पडणार आहे.
निवडणुकीच्या पहिल्या टप्प्यात पूर्व विदर्भातील भंडारा-गोंदिया, गडचिरोली-चिमूर, चंद्रपूर, नागपूर आणि रामटेक येथे १९ एप्रिलला मतदान होणार आहे. राहुल गांधी यांची१३ एप्रिलला भंडारा जिल्ह्यातील साकोली येथे जाहीर प्रचार सभा होणार आहे.
यासोबतच प्रियंका गांधी १५ एप्रिलला चंद्रपुरात सभेला संबोधित करणार आहेत. काँग्रेसने भंडारा-गोंदिया लोकसभेसाठी डॉ. प्रशांत पडोळे यांना उमेदवारी दिली आहे. तर चंद्रपूर लोकसभा मतदारसंघात प्रतिभा धानोरकर या काँग्रेसच्या उमेदवार आहेत.