मनसे अध्यक्ष राज ठाकरे यांच्या उपस्थितीत गोरेगाव येथील नेस्को (NESCEO) ग्राउंड येथे हा मेळावा पार पडणार आहे.

मनसेच्या या मेळाव्याकडे सगळ्यांचे लक्ष वेधले आहे. आगामी विधानसभा निवडणुकीच्या पार्श्वभूमीवर राज ठाकरे नेमकी काय भूमिका मांडणार याकडे सगळ्यांचेच लक्ष वेधले आहे.विधानसभा निवडणुकीसाठी (Vidhansabha Election 2024) मनसे कंबर कसून कामाला लागली आहे. आज सोमवारी मनसे अध्यक्ष राज ठाकरे (Raj Thackeray) यांचा पुणे दौरा होत आहे तर दुसरीकडे मनसेच्या गटाध्यक्षांचा येत्या 13 ऑक्टोबरला मुंबईत मेळावा आयोजित करण्यात आला आहे.

विधानसभेसाठी सध्या तरी मनसेने स्वबळाचा नारा दिला आहे. त्यापार्श्वभूमीवर महाराष्ट्रातील महत्त्वाच्या भागात पोहचण्याचा प्रयत्न करून मनसेकडून दौरे, बैठका घेणे, कार्यकर्ता मेळावे सुरु आहेत. मनसे अध्यक्ष राज ठाकरे 6 ऑक्टोबरला नाशिकला होते तर 7 ऑक्टोबरला पुणे दौऱ्यावर आहेत. तर येत्या रविवारी मुंबईमध्ये गटाध्यक्षांचा मेळावा घेण्यात येणार आहे.