संभाजी राजे छत्रपती यांच्या महाराष्ट्र स्वराज्य पक्षाला भारतीय निवडणूक आयोगाच्या वतीने मान्यता मिळाली आहे. आता या पक्षाच्या वतीने राज्यातील पहिले आंदोलन करण्यात येत आहे. मुंबईजवळ अरबी समुद्रात शिवस्मारकाचं जलपूजन पंतप्रधान नरेंद्र मोदी यांच्या हस्ते करण्यात आलं होतं. ते शिवस्मारक शोधायला चला असं आवाहन संभाजीराजे छत्रपती यांनी केलं होतं. त्यांच्या आवाहनानुसार महाराष्ट्र स्वराज्य पक्षाचे कार्यकर्ते आज (06 ऑक्टोबर) मुंबईतील गेटवे ऑफ इंडिया येथे धडकणार आहेत.