सध्या राजकीयवर्तूळात मविआ आणि महायुती या दोन्ही गटाकडून एकमेकांवर घणाघाती टीका केल्या जात आहेत. अशातच महानगरपालिका निवडणुकीच्या पार्श्वभूमिवर संजय राऊत यांनी माध्यमांशी संवाद साधत असताना म्हटलं आहे की, ते मुंबईसह नागपूरपर्यंत स्वबळावर निवडणूक लढणार. काय होईल ते होईल. एकदा आम्हाला आजमावायचे आहेच. आम्ही स्वबळावर लढणार आहोत, अशी घोषणा संजय राऊतांनी केली आहे. तर दुसरीकडे पंतप्रधान देवच आहेत.. असं म्हणत संजय राऊतांनी मोदींवर टोलेबाजी केली आहे.

पंतप्रधान मोदी नेमक काय म्हणाले होते

निखिल कामथ यांच्यासोबतचा पंतप्रधान मोदींचा कालचा पॉडकास्ट 'पीपल विथ द प्राईम मिनिस्टर' प्रसिद्ध झाला. दरम्यान पॉडकास्टमध्ये पंतप्रधान नरेंद्र मोदींनी म्हटलं होत की, मी देखील माणूस आहे माझ्याकडून पण चुका होऊ शकतात... माणसाच्या जीवनात चुका अपरिहार्य आहेत. मोदींनी केलेल्या या वक्तव्यावर शिवसेना उद्धव बाळासाहे ठाकरे गटाते खासदार संजय राऊतांनी टोला लगावत मोदींवर निशाणा साधला आहे.

ते देवच आहेत..- संजय राऊत

संजय राऊत म्हणाले की, मी त्यांना माणूस मानत नाही, ते देवच आहेत.. देव हा देव असतो, एकदा जर हे घोषित केले की ते देवाचा अवतार आहेत तर मग ते माणूस कसे होती... ते विष्णूचे तेरावे अवतार आहेत, त्यांनी स्वतःच हे म्हटले होते... त्यांच हे म्हणं एकलं देखील होत सगळ्यांनी त्यांच्या बोलण्यावर विश्वास ठेवला आणि आता परत तेच म्हणत आहेत मी माणूस आहे... काही तरी गडबड आहे केमिकल लोचा आहे... असं म्हणत राऊतांनी पंतप्रधान मोदींवर खोचक टोला लगावला आहे.