बुलढाण्याचे शिवसेनेचे आमदार संजय गायकवाड हे नेहमी आपल्या वादग्रस्त वक्तव्याने चर्चेत असतात. त्यांनी पुन्हा एकदा वादग्रस्त वक्तव्य केलंय. विधानसभा निवडणुकीत मतदार दोन-दोन हजारात विकले गेले तुमच्यापेक्षा तर रांxx बऱ्या" असे वादग्रस्त वक्तव्य संजय गायकवाड यांनी केलय. यावरुन आता उद्धव ठाकरे गटाचे संजय राऊत यांनी संजय गायकवाड आणि अजित पवार यांना धारेवर धरलं.

काय म्हणाले संजय राऊत?

मतदारांना जर कोणी वेश्या म्हणत असेल, लोकशाहील कोणी रखेल म्हणत असेल, संविधानाला कोणी गुलाम मानत असेल, सत्ताधारी पक्षाचे आमदारचं अशी वक्तव्य करत असतील तर ही मुख्यमंत्री देवेंद्र फडणवीस यांची जबाबदारी आहे. 2-2 हजारांना मतदार विकत घेतले , मतदारांना उद्देशून असं अश्लील बोलणं, वेश्या म्हणणं यावर विधानसभेचे अध्यक्ष, राज्यपाल यांनी मत व्यक्त केलं पाहिजे. लाडकी बहीण योजनेचा सरकारी तिजोरीवर कसं ओझं होतंय, कसा भार आहे, हे कृषीमंत्री माणिकराव कोकाटे नुकतेच बोलले . म्हणजे 1500 रुपये देऊन तु्म्ही मतं विकत घेतली, पण आता तुम्हाला सरकारी योजनेवर भार टाकणं जमत नाहीये, राज्य चालवता येत नाही, हे स्पष्ट दिसतंय.

दरम्यान, आमदार संजय गायकवाड यांचा जयपूर येथे दोन दिवसांपूर्वी एका सत्कार कार्यक्रम झाला. त्यावेळी बोलताना त्यांनी आपल्याला मतदान कमी मिळाले यामुळे खंत व्यक्त केली. जाहीर भाषणात आमदार गायकवाड हे मतदारांवर भडकले. त्यांनी मतदारांना शिवीगाळ केली, तर अजित पवार यांनी मतदारांना उद्देशून काही वक्तव्य केलं होतं. त्या सर्वांचा समाचार घेताना संजय राऊत यांनी त्यांच्यावर निशाणा साधला.