भारतातील सर्वात मोठ्या समूहांपैकी एक असलेल्या टाटा सन्सचे अध्यक्ष रतन टाटा यांचे वयाच्या ८६ वर्षी अल्पशा आजाराने निधन झाले. त्यांचे विश्वासू सहाय्यक शंतनू नायडू याच्याशी त्यांच्या जवळच्या संबंधांनी लोकांचे लक्ष वेधून घेतलं आहे. गेल्या १० वर्षात शंतनू नायडू हा रतन टाटा यांचा जवळचा आणि विश्वासू मित्र बनला. शंतनूवर नुकतीच एक मोठी जबाबदारी सोपवण्यात आली आहे. शांतनु आता टाटा मोटर्समध्ये जनरल मॅनेजर अँड स्ट्रॅटेजिक इनिशिएटिव्सचा प्रमुख बनला आहे. शांतनुला मिळालेल्या या मोठ्या जबाबदारीच्या पार्श्वभूमिवर त्याने आनंदी आणि भावूक होत एक पोस्ट शेअर केली आहे.
शंतनूची पोस्ट काय?
शंतनू पोस्ट करत म्हणाला की, टाटा मोटर्समध्ये स्ट्रॅटेजिक इनिशिएटिव्हज हेड - जनरल मॅनेजर म्हणून मी नवीन पदावरुन प्रवास सुरू करत आहे, हे सांगताना मला आनंद होत आहे! नोटिफिकेशन्स मिरेसाजेस्ट मला आठवतं जेव्हा माझे वडील टाटा मोटर्स प्लांटमधून, पांढरा शर्ट आणि नेव्ही पॅन्ट घालून घरी जायचे आणि मी खिडकीत त्यांची वाट पहात असे. ते आता पूर्ण वर्तुळात येते...
शंतनूबद्दल आणखी जाणून घ्या..
वयाच्या २८ व्या वर्षी शंतनू नायडू यांनी व्यवसाय उद्योगात पाऊल ठेवले होते. शंतनू नायडू रतन टाटा यांना स्टार्टअप्समध्ये गुंतवणूक करण्यासाठी बिझनेस टिप्स देत होते. शंतनू नायडू यांचा जन्म १९९३ मध्ये पुणे, महाराष्ट्र येथे झाला. ते प्रसिद्ध भारतीय उद्योगपती, अभियंता, कनिष्ठ सहाय्यक, डीजीएम, सोशल मीडिया प्रभावकार, लेखक आणि उद्योजक आहेत. टाटा ट्रस्टचे डेप्युटी जनरल मॅनेजर म्हणून शंतनू नायडू हे देशभरात खूप लोकप्रिय आहेत.