कल्याण-डोंबिवलीमध्ये शिवसेना शिंदे गट आणि भाजप यामध्ये पुन्हा तणाव निर्माण झाला आहे. उप तालुकाप्रमुख विकास देसले आणि माजी नगरसेवक सदानंद खरवळ यांचा मुलगा भाजपात प्रवेश केल्याने गटामध्ये नाराजी पसरली आहे.
शिवसेना शिंदे गटाचे मंत्री संजय शिरसाट यांनी थेट भाजपचे प्रदेशाध्यक्ष रवींद्र चव्हाण यांना इशारा दिला आहे: कार्यकर्त्यांना फोडण्याचा प्रयत्न केला तर समान प्रतिसाद मिळेल. यावर भाजपकडून देखील प्रत्युत्तर दिले गेले. शिवसेना शिंदे गटाचे आमदार राजेश मोरे यांनी आरोप केला की, भाजपकडून प्रलोभने देऊन गटाचे कार्यकर्ते फोडले जात आहेत.
स्थानिक स्वराज्य संस्था निवडणुकीच्या पार्श्वभूमीवर भाजपमध्ये जोरदार इनकमिंग सुरू आहे. त्याचा सर्वाधिक फटका शिवसेना शिंदे गटाला बसला असून, गट आतापर्यंत नाराज आहे. उपमुख्यमंत्री एकनाथ शिंदे यांनी केंद्रीय गृहमंत्री अमित शाह यांची भेट घेत आश्वासन मिळवले होते, पण निवडणुका संपल्या तरी इनकमिंग सुरू असल्याने गटात तणाव कायम आहे. राजकीय तणावामुळे महायुतीत सामंजस्य टिकवणे आणि आगामी निवडणुकीत रणनीती ठरवणे ही शिवसेना शिंदे गटासाठी मोठी आव्हाने बनत आहे.