थोडक्यात

• येत्या 2 डिसेंबर रोजी होणाऱ्या नगर परिषद आणि नगर पंचायत निवडणुकांपूर्वी राज्यात पक्षांतराला वेग आला आहे.

• याच पार्श्वभूमीवर शिवसेना ठाकरे गटाला मोठा धक्का बसला असून, अनेक पदाधिकाऱ्यांनी शिवसेना शिंदे गटात प्रवेश केला आहे.

• उपमुख्यमंत्री एकनाथ शिंदे यांच्या उपस्थितीत ठाण्यात हा पक्षप्रवेश सोहळा पार पडला.

येत्या 2 डिसेंबर रोजी होणाऱ्या नगर परिषद आणि नगर पंचायत निवडणुकांपूर्वी राज्यात पक्षांतराला वेग आला आहे. याच पार्श्वभूमीवर शिवसेना ठाकरे गटाला मोठा धक्का बसला असून, अनेक पदाधिकाऱ्यांनी शिवसेना शिंदे गटात प्रवेश केला आहे.

उपमुख्यमंत्री एकनाथ शिंदे यांच्या उपस्थितीत ठाण्यात हा पक्षप्रवेश सोहळा पार पडला. धुळे, पुणे, नंदुरबारसह विविध जिल्ह्यांमधील शिवसेना ठाकरे गट, राष्ट्रवादी (शरद पवार गट) आणि मनसेचे काही पदाधिकारी व कार्यकर्ते शिंदे गटात दाखल झाले.

धुळे जिल्ह्यातील ठाकरे गटाचे सचिव डॉ. संजय लारने पाटील, नगरसेवक जितेंद्र जगताप, माजी गटनेते हेमंत पाटील, माजी सभापती वसंत पावरा, तसेच शहर संघटक विनोद जगताप यांचा या यादीत समावेश आहे. त्यांच्यासोबतच राष्ट्रवादीचे हेमहराज राजपूत आणि मनसेचे प्रथमेश चव्हाण यांनीही शिंदे गटात प्रवेश केला आहे. स्थानिक स्वराज्य निवडणुकीच्या पार्श्वभूमीवर झालेल्या या घडामोडींमुळे शिंदे गटाला संघटनात्मक बळ मिळाल्याचे मानले जात आहे.