मंगेश जोशी|जळगाव : जळगाव (Jalgaon) येथे वडिलांसोबत फर्निचरचे काम करण्यासाठी गेलेल्या 22 वर्षीय धीरज शिवाजी काळे (Dheeraj Shivaji Kale) या तरूणाने गळफास घेऊन आत्महत्या केल्याचा धक्कादायक प्रकार उघडकीस आला आहे. आत्महत्या करण्यापूर्वी ‘हॅलो गायीज् आज में आत्महत्या करणे वाला हु, प्लीज मुझे फॉलो करे, कमेंट करे, ओके बाय, जय बाबा टकाटक’ असा व्हिडिओ सोशल मीडियावर वायरल करत आत्महत्या केली आहे.

जळगाव शहरातील हरी विठ्ठल नगर मध्ये राहणारा धीरज शिवाजी काळे हा 22 वर्षीय तरुण गुरुवारी सकाळी आपल्या वडिलांसोबत स्टेट बँक कॉलनी भागात फर्निचरचे काम करण्यासाठी गेला होता. ज्या घरात फर्निचरचे काम सुरू होते त्या ठिकाणी काही वेळ काम केल्यानंतर धीरज घरात दुसरी कडे गेला, दरम्यान डबा खाण्यासाठी वडिलांनी धीरज ला आवाज दिला मात्र धीरज कुठेही दिसून आल्याने वडिलांनी व काम करणाऱ्या इतरांनी त्याचा सर्वत्र शोध घेतला असता वरच्या मजल्यावर एका खोलीत धीरजने गळफास घेतलेल्या अवस्थेत आढळून आला.

नागरीकांनी धिरजचा मृतदेह शासकीय वैद्यकीय महाविद्यालय व रुग्णालयात हलवला. दरम्यान, धिरजने आत्महत्येपूर्वी नऊ सेकंदांचा एक व्हिडीओ काही मित्र, समाजमाध्यमात व्हायरल केला होता. त्यात त्याने मी आत्महत्या करीत आहे. माझा व्हिडीओ लाईक करा, कमेंट करा अशी विनंती केली आहे. धिरज समाज माध्यमांवर अॅक्टीव होता. त्याने आत्महत्येचा निर्णय देखील समाजमाध्यमावर जाहीर केला.