अल्पसंख्याक मंत्री अब्दुल सत्तार यांच्या पीएसह समर्थकांनी सिल्लोडमध्ये एका सामाजिक कार्यकर्त्याला लाथाबुक्क्यांनी मारहाण केल्याच समोर आलं आहे. तसंच त्याला जीवे मारण्याची दिली धमकीही देण्यात आली आहे. याप्रकरणी सामाजिक कार्यकर्ते महेश शंकरपल्ली यांच्या तक्रारीवरून अल्पसंख्यांक मंत्र्यांच्या पीएसह पाच जणांवर गुन्हा दाखल करण्यात आला आहे.
माहितीनुसार, अब्दुल सत्तार यांचे पीए बबलू चाऊस , शाकीर मिया जानी, बबलू पठाण यांच्यासह दोन जणांनी मारहाण केली आहे. या प्रकरणी पोलिस अधिक तपास करत आहे. दरम्यान सिल्लोडमध्ये शहरातील सर्वे नंबर 92 मधील केलेल्या आक्षेपार्ह फेरफाराबद्दल तलाठी भवन येथे सुनावणी होती. सुनावणी संपल्यानंतर बाहेर पडल्यावर मारहाण केल्याचा आरोप करण्यात आला आहे. तर शंकरपल्ली यांनी जातीवाचक शिवीगाळ केली म्हणून त्यांच्या विरोधात ॲट्रॉसिटीचा गुन्हा दाखल करण्यात आला आहे.