Raj-Uddhav Thackeray Vijayi Melava : महाराष्ट्राच्या इतिहासात आज मराठी विजयानिमित्त ठाकरे बंधू एकत्र पाहायला मिळाले. या कार्यक्रमात दोन्ही ठाकरेबंधू मराठी भाषेसाठी लढणार आहेत. या कार्यक्रमानंतर शेवटी ठाकरे कुटुंबीयांनी एकत्रितपणे मंचावर येऊन फोटो सेशन केलं, ज्याने उपस्थितांचा विशेष लक्ष वेधलं. यावेळी सुप्रिया सुळे यांनी जे काही केलं ते पाहून सर्वच चकित झाले.
विजयी मेळाव्यानंतर अमित ठाकरे, आदित्य ठाकरे आणि तेजस ठाकरे यांनी एकत्र मंचावर येत उपस्थितांचे स्वागत केलं. यावेळी अमित आणि आदित्य यांनी एकमेकांना गळाभेट देत एकतेचे संकेत दिले. खासदार सुप्रिया सुळे यांनी देखील आदित्य ठाकरेंचा हात धरून खेचत त्यांना राज ठाकरेंच्या जवळ नेलं, हे दृश्य ठाकरे बंधूयांच्यावर प्रेम करणाऱ्या सगळ्यांसाठी भावनात्मक होतं. या सोहळ्याच्या माध्यमातून ठाकरे कुटुंबीयांतून सौहार्दाचा आणि मराठी हितासाठी एकत्र येण्याचा संदेश उमटल्याचं जाणकारांचे मत आहे. राजकीय भूमिकांमध्ये मतभेद असले तरी, सांस्कृतिक आणि अस्मितेच्या प्रश्नांवर ठाकरे कुटुंब एकत्र येऊ शकते, याचे हे ठोस उदाहरण ठरले. कार्यक्रमात मराठी भाषा, संस्कृती आणि स्वाभिमान यांचा गौरव करण्यात आला आणि 'मराठी माणूस एकवटला तर काहीही अशक्य नाही' हा संदेश या एकत्रतेतून अधोरेखित झाला.