दिल्ली : काँग्रेसचे खासदार शशी थरूर (Shashi Tharoor) हे नेहमीच वेगवेगळ्या गोष्टींसाठी चर्चेत असतात. नुकताच शशी थरूर यांचा एक व्हिडिओ सोशल मीडियावर व्हायरल होतोय. मात्र यावेळी शशी थरूर यांच्यासोबत या व्हिडिओमध्ये लोकसभेच्या खासदार सुप्रिया सुळे (Supriya Sule) देखील दिसत आहेत.

खासदार ओमर अब्दुल्ला हे लोकसभेत एका विषयावर बोलत असताना, त्यांच्या अगदी मागच्या बाजुला बसलेल्या खासदार सुप्रिया सुळे आणि शशी थरूर हे काही तरी बोलताना दिसत आहेत. त्यांचा हा व्हिडिओ मोठ्या प्रमाणात व्हायरल होत असून, यावरून काही मिम्स देखील तयार झाल्याचं पाहायला मिळतंय.

दरम्यान, सुप्रिया सुळे आणि शशी थरूर हे नेमक्या कोणत्या विषयावर बोलत होते हे स्पष्ट झालेलं नसून, त्यांनी देखील याबद्दल कुठलंही वक्तव्य केलेलं नाही. लोकसभेतील नेत्यांचे असे अनेक व्हिडिओ समोर येत असतात.