भारतीय क्रिकेटमध्ये नेतृत्व बदलाचा प्रवाह जोर धरला आहे. कसोटी, वनडे आणि टी20 या तिन्ही फॉर्मेटमध्ये रोहित शर्माने संघाची कमान सांभाळली, पण आता वनडे संघाचा कर्णधारपद शुबमन गिलकडे हस्तांतरित करण्यात आले आहे. ऑस्ट्रेलिया दौऱ्यासाठी जाहीर झालेल्या संघात रोहित असला तरी नेतृत्वाची जबाबदारी शुबमन गिलकडे सोपवण्यात आली आहे.

शुबमन गिलने इंग्लंड दौऱ्यात कसोटी संघाची धुरा सांभाळली होती. आता त्याच्यावर वनडे संघाची कमानही सोपवण्यात आली आहे. रोहित शर्माच्या वनडे नेतृत्वाचा काळ संपल्यामुळे संघाला नव्या नेतृत्वाची गरज भासली आणि ती शुबमनने स्वीकारली आहे. त्यामुळे शुबमन गिल आता कसोटी आणि वनडे या दोन्ही संघांचा कर्णधार ठरला आहे.

टी20 संघाच्या नेतृत्वाची धुरा सध्या सूर्यकुमार यादवकडे आहे. परंतु या कर्णधारपदावरही निश्चितता नाही. सूत्रांनुसार, सूर्यकुमार यादव टी20 वर्ल्डकप २०२६ पर्यंत संघाचा कर्णधार राहणार आहे. त्यानंतर टी20 नेतृत्व शुबमन गिलकडे हस्तांतरित केले जाईल. आशिया कप स्पर्धेत शुबमन गिलला टी20 संघात स्थान मिळाले असून उपकर्णधारपदाची जबाबदारीही त्याच्यावर आहे.

बीसीसीआयने तिन्ही फॉर्मेटसाठी एकाच कर्णधाराचा निर्णय घेतला आहे. वनडे वर्ल्डकप संघाची घोषणा करताना अजित आगरकर यांनी स्पष्ट केले की, “एकच कर्णधार असल्यास संघातील संवाद सुलभ होईल आणि धोरणात्मक निर्णय अधिक प्रभावीपणे घेता येतील.” टी20 संघात शुबमन गिलला नेतृत्व मिळवण्यासाठी मार्चपर्यंत वाट पाहावी लागणार आहे. टी20 वर्ल्डकप २०२६ फेब्रुवारी-मार्चमध्ये होणार असून, त्यानंतर गिलकडे धुरा हस्तांतरित केली जाईल.

भारतीय क्रिकेटमध्ये आता नेतृत्वाचे तीन टप्पे स्पष्ट झाले आहेत – कसोटी आणि वनडे संघ शुबमन गिलकडे, टी20 संघ सूर्यकुमार यादवकडे. रोहित शर्मा संघात राहणार आहे, पण नेतृत्वाचा भार शुबमन गिल आणि सूर्यकुमार यादव यांनी पेलणार आहे. आगामी वर्षांमध्ये या बदलांचा संघाच्या कामगिरीवर आणि धोरणात्मक निर्णयांवर मोठा प्रभाव दिसेल.