थोडक्यात बातमी वाचण्यासाठी खाली Scoll करा...
(Bihar Election Result 2025) आज बिहार विधानसभेच्या निवडणुकीचा निकाल जाहीर होणार आहे. बिहारमधील 243 विधानसभा जागांसाठी आज मतमोजणी होणार आहे.मतदान केंद्रांवर मतमोजणीसाठी कडक सुरक्षा व्यवस्था करण्यात आली आहे.
विधानसभा निवडणुकीचं मतदान हे दोन टप्प्यात 6 आणि 11 नोव्हेंबरला पार पडले. 243 जागांपैकी 122 जागांवर बहुमत आवश्यक आहे. बिहारमध्ये दोन्ही टप्प्यात विक्रमी मतदान झालेले पाहायला मिळाले. प्रथम पोस्टल मतपत्रिका मोजल्या जातील. त्यानंतर ईव्हीएमची मतं मोजली जातील.
सकाळी 8 वाजता मतमोजणीला सुरवात होईल. बिहार विधानसभा निवडणुकीच्या एक्झिट पोल्सनुसार NDA युतीला स्पष्ट बहुमत मिळण्याची शक्यता आहे. बिहार निवडणुकीचा आज फैसला होणार असून कोणाचे पारडे असणार जड ? हे पाहणं महत्त्वाचे ठरणार आहे.या निवडणुकीच्या निकालाकडे सर्वांचे लक्ष लागले आहे.
यातच आता बिहार निवडणूक मतमोजणीच्या पार्श्वभूमीवर तेजस्वी यादव यांनी इशारा दिला असल्याचे पाहायला मिळत आहे. "आमचे कार्यकर्ते सर्व मतमोजणी केंद्रावर तैनात असतील, अधिकाऱ्यांचं चुकीचं काम दिसल्यास तिथेच उत्तर देऊ" असे म्हणत तेजस्वी यादव यांनी इशारा दिला आहे. त्यामुळे आता बिहारमध्ये नितीश कुमार की तेजस्वी यादव? हे आज स्पष्ट होणार आहे.
Summery
बिहार विधानसभा निवडणुकीचा आज निकाल
'आमचे कार्यकर्ते सर्व मतमोजणी केंद्रावर तैनात असतील, अधिकाऱ्यांचं चुकीचं काम दिसल्यास तिथेच उत्तर देऊ'
बिहार निवडणूक मतमोजणीच्या पार्श्वभूमीवर तेजस्वी यादव यांचा इशारा.