बाप्पाच्या आगमनात लालबागमधील गणेश टॉकीज परिसरात भीषण अपघात झाला आहे. बेस्ट बसने तब्बल 9 प्रवाशांना उडवल्याची धक्कादायक माहिती समोर आली आहे. धक्कादायक बाब म्हणजे, या अपघातात एका तरुणीचा मृत्यू झाल्याची माहिती मिळत आहे.

लालबागमध्ये काल रात्री घडलेल्या अपघातात 66 नंबरच्या बेस्ट बसनं 9 जणांना धडक दिली. बस अनियंत्रित झाल्यामुळे अपघात झाल्याची माहिती मिळत आहे. या बसमधून एक मद्यधुंद प्रवासी प्रवास करत होता. एक मद्यधुंद प्रवासी चालक आणि वाहकासोबत वाद घालत होता. त्यानंतर या मद्यधुंद प्रवाशानं ड्रायव्हरला ओढलं आणि त्याचा गाडीवरचा ताबा सुटला आणि अपघात झाला.

रविवारी रात्रीच्या सुमारास ही घटना घडली. अपघातात 9 जण गंभीर जखमी असल्याची माहिती मिळत आहे. त्यापैकी दोन महिलांची प्रकृती चिंताजनक होती. त्यातील एका महिलेचा मृत्यू झाला असून एका महिलेची प्रकृती अजून चिंताजनक असल्याची माहिती मिळत आहे.