पुणे शहरात गुरुवारी उशिरा रात्री नवले पुलाजवळ भीषण अपघात झाला असून, 8 जणांचा मृत्यू आणि 20 जण जखमी झाल्याची माहिती मिळाली आहे. अपघातानंतर अनेक वाहनांना आग लागल्याने घटनास्थळी भीषण दृश्य निर्माण झाले.
मिळालेल्या प्राथमिक माहितीनुसार, दोन कंटेनर आणि काही कार एकमेकांवर आदळल्या, त्यानंतर एका कारने पेट घेतला. त्या कारमध्ये एका कुटुंबातील सदस्य प्रवास करत होते, अशी माहिती समोर आली आहे. पोलिस आणि अग्निशमन दलाच्या गाड्या तत्काळ घटनास्थळी पोहोचल्या असून, आगीवर नियंत्रण मिळवण्यात यश आलं आहे.
जखमींना जवळच्या रुग्णालयात दाखल करण्यात आलं असून त्यांच्यावर उपचार सुरू आहेत. सध्या त्यांची प्रकृती स्थिर असल्याचं पोलिसांनी सांगितलं. या अपघातामुळे नवले ब्रीज परिसरातील वाहतूक काही काळासाठी बंद ठेवण्यात आली होती. घटनेचं कारण समजण्यासाठी पोलीस तपास सुरू आहे.
लक्षात घेण्यासारखं म्हणजे, नवले पुल परिसरात यापूर्वीही वारंवार अपघात होत असल्याने नागरिकांमध्ये नाराजी व्यक्त होत आहे. प्रशासनाने या ठिकाणी सुरक्षा उपाययोजना वाढवण्याची मागणी केली आहे.