आज (1 नोव्हेंबर) मतदारयाद्यांमधील घोळ आणि कथित मतचोरीविरोधात महाविकास आघाडी एल्गार पुकारणार आहेत. आज मुंबईत (Mahavikas Aghadi Mumbai Morcha) महाविकास आघाडी आणि मनसे आयोगाविरोधात मोर्चा काढणार आहे. या मोर्चाचं सत्याचा मोर्चा असं नामकरण करण्यात आलंय. उद्धव ठाकरे (Uddhav Thackeray), राज ठाकरे (Raj Thackeray), आदित्य ठाकरे, अमित ठाकरे या मोर्चाला उपस्थित आहेत. यावेळी उद्धव ठाकरेंनी भाषण केले. त्यांनी पुन्हा एकदा अमित शहांना अॅनाकोंडाला नावाने डिवचलं.

यावेळी ते म्हणाले की, "मतचोरी करणाऱ्या सर्वांनी पाहिलं असेल की, ही फक्त ठिणगी आहे या ठिणगीचा वणवा कधीही होऊ शकतो. तुमच्या बूडाला आग लावण्याची धमग या ठिणगीमध्ये आहे. उद्धव ठकरेंनी अमित शहा यांना पुन्हा डिवचले. या आता अॅनाकोंडाला कोंडावाच लागेल, नाहीतर जागे रहा नाही तर एनाकोंडा येईल आणि गिळंकृत्य करेल." उद्धव ठाकरेंची अमित शहांवर खोचक टीका केली.