मुंबई महापालिकेचा अर्थसंकल्प 4 फेब्रुवारीला सादर होणार असल्याची माहिती मिळत आहे. मुंबई महापालिका आयुक्त इक्बालसिंह चहल यांची प्रशासकाची नेमणूक केल्यानंतर ते प्रथम प्रशासक म्हणून अर्थसंकल्प सादर करणार आहे. महापालिका आयुक्त तथा प्रशासक इक्बालसिंह चहल यांना काही कारणास्तव बाहेर जावे लागत असल्याने त्यांनी अर्थसंकल्प सादरीकरणाची तारीख पुढे ढकलावी लागल्याची माहिती मिळत आहे.
मुंबई महापालिकेचे आयुक्त इक्बालसिंह चहल यांनी सन २०२२-२३ अर्थसंकल्प सादर करताना सुमारे सात हजार कोटींची वाढ करत ४५ हजार ९४९ पूर्णांक २१ कोटींचा असा ८ पूर्णांक ४३ कोटी रुपये शिलकीचा अर्थसंकल्प सादर केला. सन २०२१-२२चा ११.५१ कोटी रुपये शिलकीचा ३९ हजार ०३८कोटींचा अर्थसंकल्प सादर केला होता.
एप्रिल १९८४ मध्ये द.म.सुखटणकर यांची पहिले प्रशासक म्हणून नेमणूक करण्यात आली होती. तर पुढे १२ नोव्हेंबर १९८४ ते ०९ मे १९८५ या कालावधीत जे.जी. कांगा यांनी प्रशासक म्हणून काम पाहिले होते. त्यामुळे फेब्रुवारी १९८५मध्ये जे.जी. कांगा यांनी प्रशासक म्हणून अर्थसंकल्प मांडला होता. इक्बालसिंह चहल यांची प्रशासकाची नेमणूक केल्यानंतर ते प्रथम प्रशासक म्हणून अर्थसंकल्प सादर करणार आहे.