ताज्या बातम्या

Kearala: केरळच्या वायनाडमधील दुर्घटनेतील मृतांचा आकडा 160 च्या जवळपास

केरळच्या वायनाडमधील दरड कोसळण्याच्या दुर्घटनेतील मृतांचा आकडा 148 वर पोहोचला आहे.

Published by : Dhanshree Shintre

केरळच्या वायनाडमधील दरड कोसळण्याच्या दुर्घटनेतील मृतांचा आकडा 158 वर पोहोचला आहे. तसंच, 90 पेक्षा अधिक लोक अजूनही बेपत्ता असल्याची भीती आहे. मुसळधार पावसामुळे रात्रीपासून सकाळपर्यंत बचावकार्य थांबवावं लागलं होतं. आतापर्यंत मेपड्डीमध्ये 90 आणि निलांबूरमध्ये 32 लोकांचा मृत्यू झाला आहे. निलांबूरमध्ये शरीराचे बरेच भाग सापडले आहेत. काही भाग मेपाडी मध्ये सापडले आहेत, असं केरळच्या मुख्यमंत्री कार्यालयातील अधिकाऱ्याने सांगितलं.

विविध रुग्णालयात 192 लोकांना दाखल करण्यात आलं आहे. बेपत्ता लोकांचा आकडा 98 वर गेला आहे. बचावकार्य करणाऱ्या लोकांना प्रचंड प्रभावित झालेल्या भागात जाताच आलेलं नाही हे यामागचं मुख्य कारण आहे. मेपाडी येथील 150 मुलांना 4 छावण्यांमध्ये ठेवण्यात आलं आहे. 600 वयस्कर लोकही तिथे आहेत.

मुख्यमंत्र्यांच्या कार्यालयातील एका अधिकाऱ्याने सांगितलं की, सध्या दरडीखाली अडकलेल्या लोकांचा एकूण आकडा सांगता येणं शक्य नाही. दुर्घटनाग्रस्त भागात चहाचे मळे असून दरड कोसळल्याने त्या भागात हेलिकॉप्टरही उतरण्यास अडचणी येत आहेत. दुर्घटनाग्रस्त भागातील एका चहाच्या मळ्यात सुमारे 150 कुटुंबे राहत असल्याचा अंदाज वर्तवण्यात आला आहे.

Mohammad Kaif On Jasprit Bumrah Captaincy: बुमराहाला कर्णधारपद देण्याआधी दोनदा विचार करावा! जसप्रीतच्या कॅप्टन्सीवर मोहम्मद कैफचे ट्वीट

Latest Marathi News Update live : आज सकाळी 10 वाजता मराठा आरक्षण उपसमितीची बैठक

Manoj Jarange Maratha Protest : मराठा आंदोलनात आणखी एका मराठा बांधवाचा गेला जीव; जरांगेंसह सर्व आंदोलकांमध्ये शोककळा आणि संतापाची लाट

Israel Air Strike On Yemen : येमेनमध्ये इस्रायलच्या एअर स्ट्राइकचे थैमान; अनेक मंत्र्यांसह हौथी सरकारचे पंतप्रधान ठार

Latest Marathi News Update live : अमित शहांचा ताफा लालबागच्या राज्याच्या दर्शनाला