वाहतूक नियमांच्या उल्लंघनावर नियंत्रण आणण्यासाठी अनोखी शक्कल लढवण्यात आली आहे. वाहतुकीचे नियम तोडले तर चालकाला आता निगेटिव्ह पॉईंट्स मिळणार असून ड्रायव्हिंग लायसनमध्ये निगेटिव्ह पॉईंट सिस्टिम सुरू करण्याची योजना आखली आहे.
वाहतूक परवान्यात नकारात्मक गुण प्रणाली सुरू करण्यात येणार आहे. वाहन चालकांना शिस्त लागावी यासाठी अनेक उपाय करण्यात आले आहेत. रस्ते वाहतूक आणि महामार्ग मंत्रालयाने ड्रायव्हिंग लायसनमध्ये निगेटिव्ह पॉईंट सिस्टिम सुरू करण्याची योजना आखली आहे.
जेव्हा हे निगेटिव्ह गुण निश्चित केलेल्या गुणांपेक्षा जास्त होतील तेव्हा ड्रायव्हिंग लायसन रद्द करण्यात येणार असल्याची माहिती मिळत आहे. रस्ते वाहतुकीची सुरक्षा वाढवण्यासाठी आणि वाहतुकीच्या नियमांच्या होणाऱ्या उल्लंघनावर नियंत्रण आणण्यासाठी सरकार मोठं पाऊल उचलणार असल्याची माहिती मिळत आहे.