Odisha Train Accident: ओडिशातील जाजपूर जिल्ह्यात जखापुरा स्थानकाजवळ मोठा रेल्वे अपघात टळला. चेन्नईहून न्यू जलपाईगुडीकडे जाणारी सुपरफास्ट एक्सप्रेस गुरुवारी सकाळी रुळावरून घसरली. या घटनेत ट्रेनचे तीन डबे घसरले, त्यामुळे काही काळ प्रवाशांमध्ये भीतीचं वातावरण निर्माण झालं.

ही गाडी भुवनेश्वरमार्गे कोलकाताकडे जात असताना सकाळी सुमारे पावणेनऊच्या सुमारास हा प्रकार घडला. सुदैवाने या अपघातात कोणालाही इजा झाली नाही. सर्व प्रवासी सुरक्षित असल्याची माहिती रेल्वे प्रशासनाने दिली आहे.

घटना समजताच बचाव आणि दुरुस्ती पथके तात्काळ घटनास्थळी दाखल झाली. डबे पुन्हा रुळावर आणण्याचं काम सुरू असून, बाधित रेल्वे मार्ग लवकरात लवकर सुरू करण्यासाठी प्रयत्न सुरू आहेत. वरिष्ठ अधिकारीही घटनास्थळी पोहोचून परिस्थितीवर लक्ष ठेवून आहेत.

अपघात नेमका कशामुळे झाला, याचं कारण अद्याप स्पष्ट झालेलं नाही. दुरुस्ती पूर्ण झाल्यानंतर सविस्तर चौकशी केली जाणार असल्याचं रेल्वे विभागाने सांगितलं आहे. तोपर्यंत सुरक्षिततेच्या दृष्टीने सर्व आवश्यक खबरदारी घेतली जात आहे.

थोडक्यात

• ओडिशातील जाजपूर जिल्ह्यात जखापुरा रेल्वे स्थानकाजवळ मोठा अपघात टळला
• चेन्नईहून न्यू जलपाईगुडीकडे जाणारी सुपरफास्ट एक्सप्रेस रुळावरून घसरली
• गुरुवारी सकाळी ही घटना घडली
• ट्रेनचे तीन डबे रुळावरून घसरले
• प्रवाशांमध्ये काही काळ भीतीचं वातावरण निर्माण झालं
• सुदैवाने मोठी जीवितहानी टळली