राज्यातील 25 पोलीस अधिकाऱ्यांच्या बदल्या करण्यात आल्या आहेत. बदली झालेल्या अधिकाऱ्यांमध्ये उप आयुक्त तसेच पोलिस अधिक्षक पदाच्या पोलिस अधिकाऱ्यांचा समावेश आहे. मुंबई, ठाणे, पुणे, नागपूरसह अनेक शहरातील पोलिस अधिकाऱ्यांचा समावेश आहे. आज सायंकाळी अधिकाऱ्यांच्या बदल्यांचे आदेश जारी करण्यात आले.
पुणे ग्रामीण पोलीस अधीक्षक डॉ. अभिनव देशमुखांची बदली झाली आहे. अंकित गोयल आता पुणे ग्रामीणचे नवे पोलीस अधीक्षक आहेत. यापुर्वी ते गडचिरोलीचे पोलीस अधीक्षक होते. त्यांनी गडचिरोलीतील ग्रामीण भागात राबविलेल्या विविध उपक्रमांमुळे गोयल चर्चेत आले होते. त्यांची नियुक्ती आता पुणे ग्रामीण पोलिस अधीक्षकपदी करण्यात आली आहे. जिल्हा परिषदेच्या आगामी निवडणूका, जिल्ह्यातील कायदा सुव्यवस्था कायम ठेवण्यासाठी त्यांच्यासमोर आव्हान असणार आहे.