प्रसिद्ध उद्योगपती रतन टाटा यांचं निधन झालं. ब्रीच कॅण्डी रुग्णालयात वयाच्या 86 व्या वर्षी रतन टाटा यांनी अखेरचा श्वास घेतला. रतन टाटा यांच्यावर उपचार सुरु असताना आयसीयूमध्ये ठेवण्यात आलं होतं. काही दिवसांपासून रतन टाटा यांच्यावर उपचार सुरु होते.
गेल्या काही दिवसांपासून त्यांची प्रकृती चिंताजनक होती. टाटा समूहाकडून निधनाची बातमी देण्यात आली. रतन टाटा यांच्या निधनाने उद्योगविश्वासह संपूर्ण देश हळहळ व्यक्त करत आहे.
याच पार्श्वभूमीवर केंद्रीय गृहमंत्री अमित शाह रतन टाटा यांच्या अंत्यदर्शनासाठी मुंबईत येणार असल्याची माहिती मिळत आहे. पंतप्रधान मोदी परदेशात गेल्यानं अमित शाह मुंबईत येणार असून दुपारी अमित शाह मुंबईत दाखल होतील.