थोडक्यात
WhatsApp युजर्सना झटका!
Meta ने घेतला मोठा निर्णय,
ChatGPT च्या वापरावर लागणार ब्रेक?
WhatsApp चा मालक असलेली कंपनी मेटाने एक महत्त्वपूर्ण निर्णय घेतला आहे. WhatsApp युजर्सवर कंपनीने घेतलेल्या या निर्णयाचा परिणाम होणार आहे. कंपनीने निर्णय घेतला आहे की, थर्ड-पार्टी AI चॅटबॉट्सचा आता युजर्स वापर करू शकणार नाहीत. मेटाने हा नवीन निर्णय घेत सांगितलं आहे की, WhatsApp चे युजर्स WhatsApp वर केवळ मेटा AI असिस्टेंटचाच वापर आता मेजेसिंग प्लॅटफॉर्मकरू शकणार आहेत. तर सर्व थर्ड-पार्टी AI चॅटबॉट्सचा वापर याशिवाय युजर्ससाठी इबॅन केला जाणार आहे.
कंपनीने घेतलेल्या या निर्णयाचा ओपनएआई आणि परप्लेक्स्टिी सारख्या कंपन्यांना मोठा झटका लागणार आहे. मेटाला टक्कर देत या कंपन्या AI च्या शर्यतीत आहेत. याचा अर्थ असा आहे की, यूजर्स आता WhatsApp वर केवळ मेटा AI चा वापर करू शकणार आहेत. कंपनीने घेतलेल्या या निर्णयाचा परिणाम WhatsApp चा अशा युजर्सवर मोठ्या प्रमाणात होणार आहे, जे चॅटजीपीटीचा वापर करत असतात.
कधीपासून लागू होणार हा नवीन नियम?
मेटाचा हा नवीन नियम 15 जानेवारीपासून लागू केला जाणार आहे. म्हणजेच 15 जानेवारीनंतर WhatsApp वर ChatGPT आणि परप्लेक्सिटी AI सारखे चॅटबोट्स ऑपरेट केले जाणार नाहीत. यासाठी WhatsApp Business API मेटाने अपडेट केले आहे. कंपनीच्या अपडेटेड पॉलिसीमध्ये सांगण्यात आलं आहे की, जर एखादी कंपनी चॅटबॉट ही मुख्य सेवा देत असेल, तर ती कंपनी WhatsApp बिझनेस सोल्युशन वापरू शकत नाही.
व्यवसायावर कसा होणार परिणाम?
मेटाने स्पष्टपणे सांगितलं आहे की, या निर्णयामुळे ट्रॅवल कंपन्या आणि ई-कॉम ब्रँड्ससह अशा व्यवसायांवर कोणताही परिणाम होणार नाही, जे ऑटोमेटेड कस्टम सर्विस बॉट्स आणि दूसरे लिमिटेड पद्धतींचा वापर करत आहेत. या निर्णयाचा थेट परिणाम अशा AI स्टार्टअप्सवर होणार आहे, जे WhatsApp द्वारे ग्राहकांना चॅट-आधारित सहाय्यक प्रदान करणे. मेटाने सांगितलं आहे की, या ट्रेंडमुळे त्याच्या पायाभूत सुविधा आणि सपोर्ट सिस्टमवर दबाव येत आहे. मेटाचे म्हणणे आहे की WhatsApp बिझनेस एपीआय हे व्यवसाय आणि ग्राहकांमधील संवाद सुलभ करण्यासाठी डिझाइन केले गेले होते, मोठे एआय मॉडेल्स होस्ट करण्यासाठी नाही.