एल्फिस्टन पुलाच्या परिसरात राहणाऱ्या रहिवाशांचे प्रश्न संबंधित अधिकारी आणि मुख्यमंत्र्यांशी बोलून सोडवू, अशी ग्वाही सांस्कृतिक कार्य, माहिती तंत्रज्ञान आणि मुंबई उपनगर पालकमंत्री ॲड आशिष शेलार यांनी दिली.
एल्फिस्टनचा जुना पुल तोडून त्याजागी नवीन पुल उभारण्यात येणार आहे.या कामात तेथील दोन इमारतींना इजा पोहोचू शकते. तसेच परिसरातील नागरिकांना या तोडकाम आणि बांधकामा दरम्यान काही गैरसोयींचा सामना करावा लागणार आहे. या बाबत तेथील रहिवाशांनी वांद्रे कार्यालयात आज मंत्री ॲड आशिष शेलार यांची भेट घेऊन समस्या मांडल्या, त्या समजून घेऊन याबाबत एम एम आर डी ए च्या अधिकारी आणि मुख्यमंत्री देवेंद्र फडणवीस यांच्याशी चर्चा करु, अशी ग्वाही मंत्री शेलार यांनी रहिवाशांना दिली.